Baztango dermioan dauden eta Zugarramurdiko Udalak nahi dituen 57 baserrien afera berriz ere piztu da. Nafarroako Gobernuko Toki Administrazio Departamenduak esku aldatze espedientearekin aitzinera segitzea erabaki du. Balleko Udalak serioski adierazi dio Zugarramurdikoari afera honekin segitzen badu «neurri gogorrak» hartuko dituela eta «bizilagun gisara jasotzen dituzten zerbitzuak kenduko dizkietela».
Jakina denez, 57 baserrietako bizilagunak Zugarramurdin erroldatuak daude eta bertan egiten dute eguneroko bizimodua, baina baserriak eta lurrak Baztanen daude eta zergak Ballean ordaintzen dituzte. Afera aspaldikoa da eta tarteka-tarteka biziberritzen da bi udalen arteko eztabaida.