Balleko Udalaren ustez, kultur ekitaldi kopuruaren handitzea ez da beharrezko azpiegituren sortzearekin bat etorri, batez ere kontzertuak, dantza emanaldiak edo antzezlanak eskaintzeko aretoei dagokienez. Gainera, udal liburutegia ere arras taila gelditu da. Hori moldatzeko 500-650 metro koadroko liburutegia eginen litzateke. 200 metro koadroko erakusketa-gela ere eginen litzateke. Italiar estiloko eszenatokia duen aretoak 300-400 lagun sartzeko lekua izanen luke eta 35 milimetro nahiz 16 milimetrotan zinea proiektatzeko kabinak izanen lituzke.
Udaleko hautetsiek, gisa honetako zentroak bisitatu dituzte Nafarroan berean, Iparraldean eta Akitanian, leku hauetako esperientziak ezagutu asmoz. Udalaren erranetan, gisa honetako eraikin batek Baztango 28 kultur talderi aterabidea emanen lieke.