Balleko Udalak Elizondon kultur zentro haundi bat eraikitzeko asmoa du. Bertzeak bertze, liburutegia, erakusketa-gela eta ikusentzutekoak, zinea, antzerkia, kontzertuak eta bertzelako kultur ekitaldiak garatzeko eszenatokia paratuko lirateke. Udala leku egokia bilatzen ari da eta aurrekontua 300 milioi pezetakoa izanen da.
Kultur zentro berriak, gaur egun Baztanek dituen gabeziak bete eta dagoeneko eskas gelditu diren bertze instalazio batzuk (liburutegia, Arizkunenea) ordezkatuko lituzke. Aurreproiektua Maite Apeztegia arkitektuak idatzi du eta Nafarroako Gobernuan aurkeztua da.