Agustin Blas Oronozko gaztea enduro moto modalitatean Nafarroako Txapelketan bigarren postua eskuratu du. Lehenengo urtea du enduron aritzen dela eta jadanik 12 proba inguru burutu ondotik bigarrena izan da. Enduro modalitatean erresistentzia frogak egiten dira, moto gidariak gehienetan bi orduz aritu behar dira zirkuito batean. Azkenean denborarik onena egin duenak garaipena eskuratzen du. Agustin Blasek ez du esponsorrik ezta inolako diru laguntzarik ere, bere sakeletik ordaindu behar izaten du guztia. Nafarroako Fererazioak Sevillan eginen den Espainiako txapelketara joateko gonbidapena egin dio eta honek aunitz poztu du moto gidaria.