Azpilkuetako Agurtzane Mariezkurrena da Kooperatibako kudeatzaile berria. Abuztuaren 12an ekin zion bere ibilbide berriari 25 urte inguru dituen gazteak. Orain arte Xabier Ripak izan duen kargurako bertze bi hautagai ere baziren, baina azkenean, Mariezkurrenak hartu du ardura.
Ibilbide luzea duen kooperatiba
1977an sortu zen Kooperatiba. Erratzun hasi arren, 1982az geroztik, Arizkunen du egoitza, Ordoki industrialdean.
300 bat bazkide ditu eta hainbat zerbitzu eskaintzen ditu: pentsua, ongarriak, gasolioa, gasnategia… Azken hau, hain zuzen, joan den urtean sortu zuten eta horrekin batera Baztangoa izeneko gazta ere merkaturatzeari ekin zioten.