Kantauriko Ur Konfederazioak bultzatuta, Baztan Ibaiko zenbait presa desagertzeko planak bertzelako ondorioak dakartzala erran daiteke. Lehenbiziko adibidea Lekarozko presan ikusteko parada izan dugu hurbildutako hainbertze baztandarrok.
Hasiera batean, presa suntsitu zuten, eta hortik egun batzuetarat, ondoan zegoen komentuko zentrala botatzen hasi ziren. Eraikina eraisten ari ziren neurrian, ubidea, etxe azpiko arkua eta abar bistan gelditu ziren. Irudi hau Baztango historiaren zati bat da, eta batez ere Lekarozkoa.
Elbeten ere eztabaidak eragin ditu Errotaberriko presa botatzeko Ur Konfederazioaren asmoak. Erabakiaren kontra 340 sinadura inguru bildu dituzte, presa arrainentzat ez dela oztopoa erranez eta bere ondare-balioa defendatuz.
Elbeteko presa botatzearen kontra daude herritarrak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun