Larunbat honetan, abuztuaren 8an, gure inguruko txupinazorik goiztiarrena botako dute Zigan, San Lorentzo bestak hasteko. Izan ere, goizeko 8:00etan botako da txupinazoa eta Xeonen apustuaren hasmenta. 12:00etan apustuaren bukaera izanen da herriko plazan. 14:30ean herri bazkaria eginen da akordeoilariak alaituta. 19:30etik 21:00etara dantzaldia izanen da KLAI taldearekin. 21:30ean Baztan-Zopak banatuko dira frontoian eta 00:30etik 5:00etara gaupasa eginen da..
Haurren Eguna igandean
Igandean, abuztuaren 9an, Haur eta Gazte Eguna ospatuko dute Zigan. 8:00etan txaranga herrian barna bueltaka. Ibiliko da 11:00etan mus txapelketa jokatuko da. 11:00etan gazteen gosaria eginen da. 12:00etan gazteak etxez etxe ibiliko dira. 13:00etan haurren bazkaria izanen da. 16:00etatik 20:00etara haur jokoak eta txokolatada izanen dira. 20:00etatik 22:00etara dantzaldia izanen da AGERRALDErekin. 22:30ean afaria eginen da ostatuan eta ondorik, 00:30etik 5:00etara, berriz ere dantzaldia izanen da AGERRALDErekin.
San Lorentzo egunean, Pantxoa eta Peio
Astelehenean, abuztuaren 10ean, San Lorentzo Eguna ospatuko dute zigatarrek. 8:00etan txaranga herrian barna bueltaka ibiliko da. 11:00etan Meza Nagusia. 12:00etan luntxa. 12:30ean herriko aizkora desafioa. 20:00etatik 22:00etara kantaldia Pantxoa eta Peioren eskutik. 22:30ean andre afaria. 00:30etik 5:00etara dantzaldia AGERRALDErekin.
Akitzeko Zikiro Eguna
Asteartean, abuztuaren 11n, Zikiro Eguna ospatuko dute, besten hondar eguna. 11:00etan pilota txapelketa jokatuko da. 14:00etan zikiro jatea Berako Izadi txarangak alaituta. 19:30etik gauerdira dantzaldia eginen da eta gauerdian GAIXOAK GU kantatuko da.