Iruritako bestetako eszenatokia eta karpa kentzen ari ziren 25 bizilagun identifikatu zituen Guardia Zibilak duela bi aste. Guardia zibilek ikurriña, Arrano Beltza zuen ikurra eta presoen aldeko banderola bat eraman zituzten, eta Arrano Beltza legez kanpoko ikurra zela argudiatuz bildutakoen kontra Auzitegi Nazionalean ikerketa bat martxan jarri zezakela jakinarazi zuten. Txosten bat bidaliko zutela erranez mehatxatu zituztela ere salatu du Amnistiaren Aldeko Mugimenduak.