Elizondoko batzarrean herrian egin nahi den Foruzaingoaren komisaria berriaren kontra azaldu zen. Azken urteetako batzarrerik jendetsuenetakoa izan zen, 130 elizondar agertu baitziren, Xabi Torres alkatearen eta bere kargodunen deialdira. Batzarrak komisaria egiteko aukeratu den lekuaren kontra azaldu ziren, Baztan Berri plazan egiteko asmoa baita, hainbat etxebizitzaren artean.
759 sinadura
Baztango Udalean 759 sinadura ere aurkeztu dituzte, komisaldegia leku horretan egitearen kontra. Maiatzaren 13an bertze bilera bat egitekoa zuten elizondarrek, komisariaren kontra egin daitezkeen ekitaldiak koordinatzeko asmoz bizilagunen batzorde bat osatzeko.