Udalak eta Euskararen Gizarte Erakundeen Kontseiluak euskara sustatzeko lankidetza hitzarmena sinatu zuten apirilaren 7an udaletxeko pleno aretoan. Duela sei urte hasi ziren elkarlanean Udala eta Kontseilua, eta hemendik aitzinera ere, bide beretik segitu nahi dute.
Ekitaldian, bertzeak bertze, Xabier Mendiguren Kontseiluko idazkari nagusiak, Virginia Aleman alkateak, Martin Garde euskara zinegotziak, Oianko Garde Euskaraz Bai dinamikaren teknikariak eta Raul Lopez udal teknikariak hartu zuten parte.