Hutsik egin gabe, aurten ere Baztan Ikastolako ikasleak Elizondoko kaleetara atera ziren Santa Ageda bezperan, hilak 4. 11:00etan bildu eta Haur zein Lehen Hezkuntzako ikasleak guztiek elkarrekin egin zuten Jaime Urrutia karrikan urtero egiten duten bidea. Txapela buruan, zapi laukiduna lepoan eta makila eskuan zutela, kantuan aritu ziren Ikastolatik abiatuta. Ttikienak plazatik Ikastolara itzuli ziren, eta nagusienak Zahar Etxeraino joan ziren.
