Perez-Nievas Nafarroako Gobernuko Hezkuntzako kontseilariak Parlamentuan ezagutzera eman duenez, 2009/2010 ikasturtean, euskaldun eremuan euskara eta ingelesaren eredua ezarriko duen lehen ikastetxea Elizondoko San Francisco Javier izanen da. Eskolako zuzendaritzak Iruñean bilkura izan zuen, baina ez zuen informazio aunitzik eskuratu, Iruñean ere ez dakitelakoz eredu berri hau nola ezarri. Errandakoak kezka sortu du, euskarak jasoko duen tratua eta eragina dela-eta. Kontseilariaren hitzetan, Nafarroan hemendik aitzinera ez dira eredu bakarrak ezarriko eta ingelesarekin batera jarriko dira.