Nafarroako Gobernuko Herrilan, Garraio eta Komunikabidetako Departamentuak jakinarazi duenez, Belateko tunelaren sistemak hobetzeko moldaketa lanak eginen dira. Zehazki uztailaren 30ean eta 31n eginen dira lanak, asteazken eta ortzegun gauetan, gaueko 23:00etatik goizaldeko 5:00etara.
Tarteka txandakako bidea
Nafarroako Gobernuaren oharraren arabera, lanen eraginez, beharbada batzutan bidea txandaka emanen zaie ibilgailuei tunel barrenean, baina ez du bertzelako eraginik izanen trafikoan. Trafikoaren kudeaketa mantenimendu lanak egiten dituen enpresako langileek beraiek eginen dute.