Erroibar eta Baztango Udalek 139.924,80 euroko txekea jaso dute Kintoko belagaien aprobetxamenduren harira. Kopuru hori 2007-2008ko aprobetxamenduari dagokion kanona da. Paraje horien kanon hau 1856. urtean sinatu zuten, Mugen Nazioarteko Tratatua egin zenean. Alde bakoitzaren mugak zehaztu ziren orduan.
Txekea Begoña Sanzberro Nafarroako Gobernuko Landa Garapen eta Ingurumen kontseilariak eman zien, eta ekitaldian Virginia Aleman Baztango alkatearekin batera, Erroibarko alkate eta Kintoko Mankomunitateko presidentea den Enrike Garralda izan ziren, baita
Landa Garapeneko zuzendari orokorra den Jesus Mari Etxeberria, eta Baztango Udaleko Jon Dufurrena eta Remigio Lizasoain zinegotziak eta Alvaro Villanueva ere. Azken hau, Erroibarko zinegotzia da.