Ortzegun goizean, uztailaren 3an, Baztango Alkateak, Virginia Alemanek, Animsako teknikariekin batera www.baztan.es udal web gune berria aurkeztu zuen. Tresna berri hau garatzerakoan, bai baztandarrei, bai kanpoko edozeini informazio gaurkotua eskeintzeko helburua izan u Baztango Udalak. Hori dela eta informazio turistikoa, historikoa, geografi arlokoa, zein udal administrazioarekin lotura duena aurki daiteke bertan.
Teknologia berriak eguneroko lanean
Teknologi berriak eguneroko lanean uztartzea ere nahi du Balleko Udalak. Baztango eraketa dela eta abantaila handiak ematen ditu horrelako tresna batek Udal zerbitzuen berri ematen baitu. Teleadministrazioa gauzatzeko bidea ere ireki nahi dute, hau da, baztandarrek oinarrizko tramiteak etxetik egiteko aukera eman asmoz sortu da web-orri berria. Bertze helburu garrantzitsua euskararen erabilera bultzatzea da, web-orrian sartzerakoan euskeraz hartuko baitugu informazioa eta aukera bezala gaztelania agertuko da.
Virginia Aleman alkatearekin batera Marta Condek, ANIMSAko teknikariak, Baztango web gunea aurkeztu zuen, eskeintzen dituen edukiak azalduz.