Nafarroako Gobernuko Hezkuntza Departamentuko teknikari baten bisita izan da Iruritan berriki, eraiki behar den eskola berriaren lur eremua ikuskatzen, Udalak eskaintzen duen lur eremua ikusten, hain zuzen. Bisita honetan, Baztango bi zinegotzi, arkitektua, Gobernuko Hezkuntza Departamentuko teknikaria, eskolako zuzendaria eta Baztango herrietako eskolatako koordinatzaileak parte hartu zuten. Lur eremua, frontoi gibeleko aldea eta erreka baten artean dago, baina ez dago leku nahikorik, gaur egun arautegiak eskatzen dituen neurriak eta baldintzak betetzeko.
Eskola berriak, 2010-2011 ikasturtean, bere ateak irekiko dituela aurreikusia dago. Hartara, hilabete batzuk badira, egokiagoa den bertze lur eremua aurkitzeko.