Maiatzaren 19az geroztik Udala Babes Ofizialeko Etxebizitzaren eskaria aztertzen ari da, gazteei inkestak eginez: 012 zerbitzutik 25 eta 35 urte artean dituzten baztandarrei deiak egiten ari dira inkestatzaileak. Horrez gain, Herriko Etxetik jakinarazi dutenez, udaletxean «mugarik gabeko Babes Ofizaleko Etxebizitza beharra-eskariari buruzko erregistroa» sortuko da. Erregistro honen bitartez Udalak Baztanen Babes Ofizialeko Etxebizitzaren inguruan dagoen eskariari buruzko datuak lortu nahi ditu eta azpimarratu dutenez, «ez da, inolaz ere, etxebizitza promozio batekin lotuko». Inkestatzaileek maiatzaren 31 arteko epea dute galdeketarekin akitzeko.