Irurita eta Berroetaren ondotik, Almandozko Bestaberri besten txanda ailegatu da. Maiatzaren 21ean, asteazkenean hasi eta 25era arte luzatuko dira. Asteazkenean, maiatzaren 21ean, 13:00etan altxaferoa botako da eta arratseko 21:30ean Baztan-zopak izanen dira Futbolinean AGERRALDEk alaituta.
Ortzegunean, Besta Berri eguna
Maiatzaren 22an, ortzegunean, Bestaberri ospatuko dute. Goizeko 08:00etan egunsentiko kantak izanen dituzte. 12:00etako Meza Nagusiaren ondotik luntxa eskainiko da frontoian. Arratsaldeko 17:00etan gazteen arteko pilota partida jokatuko da eta arratsaldeko 18:00etan pilota partida nagusia: Altzugarai eta Iraola, Atxa eta Otxandorenaren kontra. Gaueko 12:00etan kalderetea izanen da frontoian.
Ortziralean Haurren Eguna
Maiatzak 23an, ortziralean, Haurren Eguna ospatuko dute. Goizeko 11:00etan haurrentzako ginkana izanen da. Arratsaldeko 16:00etan puzgarriak izanen dira eta 6etan mus txapelketa. Gaueko 22:00etan gazteen afaria eginen da Futbolinean eta gauerditik aitzinera AGERRALDErekin dantzaldia.
Larunbatean mus txapelketako finalak
Maiatzaren 24an, larunbatean, goizeko 11:00etan mus txapelketako finalerdia eta finala jokatuko dira. Eguerdiko bi orduetan zikiro jatea izanen da frontoian. Arratsaldeko 17:00etan AGERRALDErekin dantzaldia eta goizaldeko 1:00etan show diskoa, espuma besta eta gogoak.
Igandean lehenbiziko jaunartzeak
Maiatzaren 25ean, igande eguerdian, Meza Nagusia izanen da eta Lehenengo Jaunartzeak ospatuko dira. Arratsaldeko 16:00etan haurrentzako puzgarriak izanen dira. Arratsaldeko 19:00etan urdaiazpiko eta gazta banaren zozketa eginen da eta gaueko 22etan, Gaixoa ni kantatuz akituko dira bestak.