Nafarroako Gobernuko Gobernuko Toki Administrazio Departamentuak inpugnatu egin ditu 2007an Udalak egindako zortzi kontratu. Zortzi horietatik sei joan den urteko uholdeek eragindako kalteak konpontzeko hartutako neurrien ingurukoak dira.
Amelia Salanueva Toki Administrazioko kontseilariak inpugnatu dituen kontratu horien artean daude, bertzeak bertze, Arraiozko zeharbidean eta Urrutia eta Mardea auzoetan egindako sareen berritze eta zoladura-obren kontratuak, eta Artixoko errekan egindako lanei dagokion kontratua.
Horrez gain, maiatzaren 4ko uholdeen eraginez kaltetu ziren abeltzaintza azpiegiturak konpontzeko lanen kontratuak ere inpugnatutakoen artean daude, baita San Francisco Javier Ikastetxe Publikoaren teilatua berritzeko obren kontratua ere. Baztanen magnesita ateratzeko egitasmoa zela eta kontratatutako aholkularitzari, eta uholdeekin hondatutako bideak konpontzeko egindako kontratuei ere egin die kontra Salanuevak Kontentzioso-Administratiboan.