Virginia Aleman alkatea egiten ari den etxea epaiketetan sartua dago aspaldian. Elizondoko herritar batek aurkeztutako helegitearen bidez, Auzitegi Administratiboak baliogabetu egin zuen 2005eko abenduan Udaleko Gobernu Batzordeak etxea egiteko emandako baimena. Aipatu herritarra alkatearen auzotarra da eta etxeak Udal-Planean exijitzen den sei metroko distantzia ez duela errespetatzen adierazi zuen bere garaian.
UPN alderdiak, bere aldetik, epaiketetan diru publikoa erabili izana leporatu izan dio Alemani. Orain, berriz, Baztango Udalak auzian parte hartzea erabaki du «ebazpenak aurrekariak eragin ditzakeelako eta alkateari gertatu zaiona edozein herritarreri gertatzen ahal zaiola» iritzita.