Joan den urtean bezalaxe, Iruritako Urrutia anaiak, Oskar eta Igor, izan dira aurten ere paxaka txapelketako txapeldunak. Joan den urteko zortzigarren edizioan Andres Elizaintzin izan zuten lagun eta aurtengo bederetzigarren edizioan, Mitxel Etxenikek jantzi zuen txapela beraiekin. Larunbatean, martxoaren 1ean, Iruritako Aranabia pilotalekuan jokatutako final handian 9 eta 5 irabazi zieten Joseba Urtasun, Jesus Garate eta Cesar Sarrateari.
Hirugarren postua
Hirugarren posturako lehian emozio guttiago izan zen eta Xabier Ripa, Guillermo Etxenike eta Cesar Iñarreak 9 eta 3 irabazi zieten Miguel Bidegain, Iñaki Zabaleta eta Jesus Etxenikeri. Beraz, honelaxe gelditu da bederatzigarren paxaka txapelketako behin betiko sailkapena honela gelditu da: Txapeldunak, Iruritako Urrutia anaiak eta Etxenike. Azpitxapeldunak, Iruritako Urtasun, Garate eta Sarratea. Hirugarrenak, Iruritako Ripa, Etxenike eta Iñarrea. Laugarrenak, Bidegain, Zabaleta eta Etxenike.
Urrutia anaiak gehienetan ohorezko postuetan
Aipatu bezala, Urrutia anaiak txapeldun izan ziren iaz Elizaintzinekin. 2001ean ere txapelketa irabazi zuten eta 2003tik 2006ra, lau txapelketetan azpitxapeldun izanak dira, gehienetan Elizaintzinekin eta 2004an Ballarenarekin. Beraz, beharbada beraiek dira paxaka txapelket honetan garaikur gehien lortu dutenak.