Xorroxin irratia eta Dindaia fundazioaren eskutik, bertako euskarazko argitalpen berriaeskuratu dugu: Baztango Ipuinak. 27 ipuin argitaratu dira, bi modutan: idatzian eta ahozkoan (Cd batean). Lan honen arduraduna Paskual Rekalde amaiurtarra izan da; ahotsak bildu, grabatu, editatu… Berroetako Fermin Gartxitorenak egin ditu eta marrazkiak Josetxo Apezetxeaerratzuarrak. Liburua osatzerakoan hiru iturri erabili dira: Azkueren Euskalerriaren Yakintza; Nafarroako Gobernuak eta Balleko Etxeak argitaratutako Baztan solasean. Ahozko tradizioaren bilduma eta Euskaltzaindiak eta Nafarroako Gobernuak ateratako Baztango mintzoa: gramatika eta hiztegia. Paskualek erran bezala, «espero dugu etorkizunean lan honek edo halatsukoek argia ikustea Baztango euskararen edo kulturaren onerako. Halabiz!». 10 eurotan Axular, Nafarpress, Oskorri eta Fantxiken.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun