Urtero bezala, Baztango Udaleko zinegotziek eta Udaleko mendi-guardek Baztan eta Lapurdi eta Nafarroa Beherearen arteko mugarriak berrikusi dituzte iraila erdialdean. Hiru egunez, Baztanek dituen 50 kilometroko mugak berrikusi dituzte; Sarako 56. zenbakiko mugarritik hasi, eta Senpere, Ainhoa, Ezpeleta (Lapurdi), Itxaso, Bidarrai, Baigorri, Banka, Aldudes eta Urepeleko 140.mugarriraino (Nafarroa Beherea).