Urtero bezala, ekainaren 1ean Erdizen mugimendua somatu zen. Izan ere, Baztango nekazariek behiak Erdizen sartu zituzten. Baztango Udaleko guardek behiei VB seinalea markatu zieten, eta zenbatu ondotik, uda guzirako pasoa eman zieten. Aurten inoiz baino jende gehiago bertaratu zen, EHNE sindikatuak eta Erdiz Bizirik plataformak gosari-hamaiketakoa antolatu baitzuen egin nahi den harrobia kontra.