Baztango Udalak baimena eman du Azpilkuetan egin nahi den hareharri harrobirako. Erabakia gobernu batzordeak hartu du eta Ingurumen Sailari eta Elizondoko Osasun zentroko lehen arretarako taldeari horren berri eman zaie. Eskiz izeneko lekuan eginen den harrobia irekitzeko baimena Iruritako Harri Lan enpresari eman zaio, bertan hareharria aterako dutelarik.
Gisa horretako harria Baztango harlauza egiteko erabiltzen da, gure eskualdean maiz ikusten delarik espaloietan, etxe izkinetan, arkupetan, eta leiho eta ateetako buruetan.