Joan den astelehenean ospatutako batzarrean Nafarroako Gobernuak 4.6 milioi euroko dirulaguntza onartu du 13 herriko oinarrizko gizarte zerbitzuak finantzatzeko. Gure eskualdean herri bakarra izanen da laguntza hori eskuratuko duena, hau da Elizondo. 163.000 eurorekin 13en artean banatuko den diru laguntzarik apalena izanen da.
Oinarrizko gizarte zerbitzu hauek pixkanaka-pixkanaka martxan jarriko diren lau programetan banatuko dira, harrera eta orientazio soziala, pertsonen autonomia sustatzea eta mendekotasunean bizi direnak laguntzea, integrazio soziala bermatzea eta lehen mailako arretako haur eta familien laguntzea. Finantzazioa bi urtetan banatuko da erdia aurten eta gainerakoa 2008an.