Asperekin zuen kontratua eten eta bi urte beranduago baliteke pilotari oronoztarrak enpresa Gipuzkoarrarekin berriz sinatzea. Azken egun hauetan prestakuntza plana hasi du Javi Perez Aspeko prestatzaile fisikoarekin. Astelehenean Lekunberriko pilotalekuan entrenatu zen, eta biharamunean lasterketa saio bat burutu zuen Donostian. Asteazkenean berriz Bergaran aritu zen ortzirale arratsean Kilometroaken alde jokatu beharreko partida prestatzeko.
Duela aste batzuk, Fernando Vidarte Aspeko buruarekin gelditu zen, eta pisu pixka bat galtzea hitz hartu zuen fitxaketa berri baten aitzinean.