Mexikon bizi diren baztandarrak ez dira guti, eta dagoeneko hasiak dira aurtengo Baztan Eguna prestatzen. Aitzineko urteetan bezala, maiatzaren 1ean izanen da..
Egun berezia, dudarik gabe, Baztango jendearentzat. Badira urteak besta hau antolatzen dela, eta urtetik urtera sendotuz joan da. Hastapenetan, familia giroan egiten zen besta zena, gaur egun Mexikon bizi den baztandar ugariren bilgune bilakatu da.
Ekitaldiak DFko Euskal Etxean eginen dira, Mexikoko hiriburuan. Egunari hasiera emateko meza izanen da eguerdi partean, eta ondotik bazkaria eginen dute. Musean ere arituko dira eta animazioa sortzeko ez da ez dantza, ez kanta eta ez musikarik faltako.