Nafarroako Gobernuko Hezkuntza Sailak Elizondoko San Francisco Javier Ikastetxeko ikasle Rakel Pardoren idazlana saritu du, Iñigo Aristak zuzendutako idazlan eta marrazki lehiaketan. Iñigo Arista Kultur Taldeak urtero Nafarroako 5.mailako ikasleentzat Nafarroan barna kultur ibilaldiak antolatzen ditu, Nafarroako geografia, kultura eta historia ezagutzeko asmoz. Ibilaldia egin ondotik, programan parte hartu duten ikasleek marrazki edo idazlan bat egiten dute, egindako ibilbidean ikusitakoa adieraziz. Aurtengoa 26. edizioa izan da eta 4.439 ikaslek parte hartu dute. Horietatik sarituak 30 izan dira.