Lerro hauek idazterakoan oraindik ez zen egina, baina martxoaren 24an manifestazioa egitekoa zen Elizondon, Magnak Erdizen egin nahi duen harrobiaren kontra. Manifestazioa martxoaren 19an aurkeztu zuen Erdiz Bizirik Plataformak, Arizkunenean –argazkian–. Agerraldian, harrobiaren proiektua «bertan behera gelditzeko arrazoiak gizarteratu» nahi izan zituzten eta Baztango 15 herritan egindako batzar informatiboak «arras parte-hartzaileak» izan zirela gaineratu zuten. Gisa berean, Magnak etxeetara bidalitako propaganda «trikimailu salagarritzat» jo zuten. Baztango Udalak jarrera publikoki ez agertu izana ere kritikatu zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun