17 urteko Mikel Iraola pilotari almandoztarrak urte akabaila bikaina izan zuen. Abenduaren 3an, lau terdiaren barrenean, Guillermo Mazo Memoriala irabazi zuen gazte mailan, Jon Apezetxea goizuetarrari 18-11 irabazita finalean. Abenduaren 29an, kantxa osoan, Nafarroako buruz buruko txapelketa irabazi zuen. Labriteko finalean jaun eta jabe izan zen eta 18-6 irabazi zion Irurtzungo Diez de Ultzurruneri. Sakez 7 tantu egin zituen eta pilota bat kasik errebotean sartu zuen. Doneztebeko Erreka elkartean ari den pilotariari etorkizun handia ikusten diote adituek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun