Urdazubi eta Baztango Santiago Bideko Lagunek bortz mugarri edo zedarri berri paratu dituzte, bidearen seinalizazioa hobetu eta erromes eta erabiltzaileei laguntzeko. Urdazubiko Genaro Fagoaga eta Arizkungo Cesareo Soule eskulangileek landutako harriekin egin dira mugarri horiek. Urdazubiko monestegiko aterpean, Fraileen Iturrian, Otsondoko igoeraren hasieran, Gorramendirako bidegurutzean eta Arizkungo Aintzialde auzoko galtzadaren hasieran jarri dituzte mugarriak.