Aitzineko bi urteetan partida bakar bat ere galdu gabe Nafarroako Liga irabazi ondotik, aurten estreineko aldiz Lehen Maila Nazionalean jokatu du Baztan Rugby Taldeak. Iñaki Bengoetxea entrenatzaileak aitortu digunez, «hasiera batean, liga berri batean aritzeak, zure aukerak eta maila ezezagunak izatea suposatzen du. Abuztuan hirugarrenak gelditzea sinatzeko prest baginen ere, 3-4 partidaren ondotik liga irabazteko moduko taldea geneukala ikusi genuen». Irabazi ez, baina bere multzoan bigarrenak izan dira baztandarrak eta horrek Ohorezko Mailara igoera fasea jokatzeko aukera eman die. Lehenbiziko partida igande honetan jokatzekoa zuten Lekarozen Kataluniako San Cugat taldearen kontra. 16 talde daude kanporaketa hauetan eta lehenbiziko biak zuzenean igoko dira eta eta bertze bik Ohorezko Mailatik jausten direnekin promozionatuko dute. Igotzeko itxaropenik badute baztandarrek, baina ez dakite bertze taldeen maila nolakoa izanen den: «Auskalo! –dio entrenatzaileak– bi kanporaketa pasatuz gero denok kontent!». Igoera lortzeak aldaketa dexente eraginen luke taldean, desplazamendu luzeagoak, aurrekontu handiagoa, profesionalak ere badituzten taldeen kontra aritzea… Laguntzaile berriak ere bilatu beharko lituzkete, «beti ere orain arte lagundu gaituztenak ahaztu gabe». Baztan Rugby Taldearen etorkizunera begira, bigarren taldea eta gazte mailakoa dute. Bengoetxeak erran digunez, «saiatzen gara harrobia lantzen, baina ez da erraza biztanleria mugatua delako. Futbola, pilota… kirol asko eta gazte gutti; gainera errugbia ez da asteburuero ikusten telebistan».
Halere, betidanik izan da afizioa Baztanen eta banaz bertze 50 lagun biltzen dira Lekarozen partidak ikustera: «150era ere heldu gara partida batean. Ea igoera fasean 200etik goiti elkartzen garen!».
BAZTAN RUGBY TALDEA (2004-2005)
Unai ABANZABALEGI BASKARAN--IRUÑA
Manex AIZPURU IRIBARREN--ORONOZ-MUGAIRI
Patxi ALMANDOZ IRIGOIEN--LEKAROZ
Gogor ATXALANDABASO LASA--DONEZTEBE
Iñigo ARREGI JAURENA--ELIZONDO
Josetxo BARBERENA IRAIZOZ--IRAIZOTZ
Iñaki BARBERENA IRAIZOZ--IRAIZOTZ
Mikel BARRENETXE IRIGOIEN--ELIZONDO
Iñaki BENGOETXEA MARTINEZ--IRUÑA
Ruben BEUNZA ERIZE--OSTIZ
Patxi BIDART--BAIGORRI
Julio CALLEJA RODRIGUEZ--IRUÑA
Pedro EZKURRA OSAKAR--URRIZOLA-GALAIN
Iñaki EZKURRA OSAKAR--URRIZOLA-GALAIN
Jon FRANZESENA ZUBILLAGA--ELIZONDO
Jon IDOATE IRIGOIEN--LEKAROZ
Mikel IRAIZOZ PEREZ--ESAIN
Jose Miguel IRIBARREN IRIGOIEN--ELIZONDO
Mariano IRIBARREN IRIGOIEN--ELIZONDO
Asier IZARRA NAVARRO--IRUÑA
Peio Xalbat JUANTORENA--BAIGORRI
Gabriel JUBERA VILLEGAS-OSTIZ
Oscar LAMERIÑAS KARRIKIRI-LEKAROZ
Arturo LANDA MANSOA--IRUÑA
Pablo MARITXALAR ETXENIKE--SUNBILLA
Angel MUNARRIZ SAGASETA--ORONOZ-MUGAIRI
Iban MUTILBA RUIZ DE AZUA--ANOZIBAR
Koldo OTEIZA ZUBIETA--MUTILOA
Pello OBREGOZO ISTILART--IRURITA
Xabi OROZKO EGILUZ--IRUÑA
Juan Angel PEROTXENA URANGA--ELIZONDO
Igor RUIZ DE LARRINAGA IDOATE--ELIZONDO
Jon SANSIÑENA ZUBIETA--ELIZONDO
Miguel Mari URRUTIA ARIZTIA--ARIZKUN
Xabi URRUTIA BENGOETXEA--ELIZONDO
Oskar VILLABONA CENOZ--LATASA ODIETA
Jon Ander ZANGITU TORRONTEGI--IRUÑA
Entrenatzailea: Iñaki BENGOETXEA
Delegatua: Javier INBULUZKETA