Igande honetan, Eguberri eguneko bezperan, hamabortz herrietan alkatea berritzeko batzarra izanen da eguerdiko 12etan. Egun honetan aukeratuak izanen direnek, Errege egunean, urteko kontuak aurkeztearekin batera, agintaldiari hasiera emanen diote. Alkate berrien izendapen ofiziala egun horretan eginen da eta 2 urtetarako hartuko dute kargua.
Hasiera batean hamabortz alkateetatik, badirudi bakarrak duela segitzeko asmoa, Antonio Elizalde Arizkungo alkateak, hain zuzen. Gainerako guziek kargua uzteko asmoa dute. Ikusi egin behar, hartzeko prest dagoen norbait agertzen ote den.