II. Izeta Saria heldu den ortziralean jokatuko da Elizondon. Arratsaldetik hasi eta, 11 bertsolari gazte lehiatuko dira Garazi Taberna, Alazne Untxalo, Ekaitz Astiz, Joseba Beltza, Jon Elizetxe, Iker Gorrosterrazu, Iker Iriarte, Aimar Karrika, Oier Lakuntza, Eneko Lazkoz eta Xabi Salbador. Lehen saioa 19:30ean hasiko da Arizkunenea Kultur Etxean. Eginbeharreko lana hauxe izanen da, 8ko nagusian 3na bertso gaia emanda, 8ko txikian 3na bertso ofizioka eta 2 punturi erantzun. Lan horiek egin eta, elgarrekin afalduko dute Eskisaroi jatetxean. Hunen ondotik, 10:30ak aldean, finala jokatuko dute sailkapen saioko lehen 6ak. Finaleko egin beharra berdintsu izanen da, hala nola, 8ko nagusian 3na bertso gaia emanda, 10eko txikian 3na bertso ofizioka eta gai bati buruz bi bertso. Puntuaketan sailkapeneko puntuak ere kontuan hartuko dira.