Osatzen ari den Baztango Merkataritza eta Zerbitzu Emaileen elkarteak erabiliko duen logotipoa aukeratu dute. Duela hilabete bat zabaldu zuten lehiaketara 10 bat egileek egindako 21 lan aurkeztu ziren. Kepa Lasoro, Miren Karmele Gomez, Ander Irigoien, Iñaki Atxa, Juan Angel Perotxena, Amaia Iturralde, Ana Villoria, Ibai Gonzalez eta Nekane Maritorena dira guttienez lan bat aurkeztu zuten diseinatzaileek.
Elkarteko zuzendaritzak, Unai Arriaga presidentea, Maria Luisa Tena presidente ordea, Isabel Gonzalez idazkaria, Angel Arraztoa diruzaina eta Asun Irigoien, Neli Yanci eta Javier Pina batzordekideek, osatutako epaimahaiak, Juan Angel Perotxena Elizondoko diseinatzaile gaztearen lana aukeratu zuen eta horri esker 300 euroko saria eskuratu zuen egileak.
Osatzen ari den elkarteak, Baztango saltokiak eta zerbitzuak hobetzea eta berritzea izanen du helburu nagusi. Aukeratutako logotipoa elkarteak zabalduko dituen berrietan eta bultzatuko dituen ekimenetan erabiliko dute.