Arizkungo eskolan arraildurak agertu ziren duela hiru urte. Ikasturte honetan, aldiz, berri hobeak dituzte, urritik aitzinera jantoki zerbitzua eskainiko baitute. 29 ikasle matrikulatuak daude eta momentuan zortzik erabiliko dute jantokia. Herriko Etxeak 2.518 euro ordaindu ditu sukaldea jartzeko eta Guraso Elkarteak ordainduko du Jangarria catering enpresa. Honek, ikasle eta eguneko 3,70 euroko menua eskainiko du.