Orabidea auzoa izanen da urteko lehen inauteak ospatuko dituena. Urtarrilaren 12 eta 13an Orabideko gazteak baserriz baserri ibiliko dira, Joxe Angel Elizalde akordeolariarekin. Urtero bezala gazteek puskak bilduko dituzte, eguna akitzerakoan Etxebertzean afari ederra egiteko. Arraiozen urtarrilaren 19 eta 20an izanen dira inauteak. Zenbait herritan inauteetako datak ezartzeko, akordeolariak libre diren egunetara moldatu beharko dute.Herri gehienak otsailaren 2.astean izanen dituzte inauteak.