Etorkizuneko talde ederra sortzen ari da Baztan Rugby Taldean. Jokalari gehienak kadete mailakoak dira eta horregatik beraiek baino 2 urte zaharragoekin aritu izan dira. Halere hiru partida irabazi dituzte eta partida aunitzetan bakarrik indarragatik irabazten zieten. Beraz, teknika aldetik arras onak izanen diren jokalariak egiten ari dira. Nafarroa eta Aragoiko ligan aritu dira eta ligan 4. postuan sartu dira, sei talderen artean. 3 partida irabazi, bat berdindu eta 6 galdu dituzte.
Bertze gauzak
Aurten ligako konpetizioaz gain,Nafarroa eta Euskadiren arteko partida Lekarozen jokatu zen eta nahiz eta Euskadi aise irabazi, giro ederreko partida ikusi ahal izan zen. Honetaz gain, ekaina bukaeran, Euskariansen zazpikako errugbi txapelketa Baztanen jokatuko da (Elizondoko Giltxaurdin ekainaren 24an). Ligaxka moduan jokatuko da, zazpi herrialdeetako taldeak denak denen aurka ordu erdiko partidetan.