Elizondoko gurasoek Paularena inguruan aparkalekua egitearen aurkako 300 sinadura inguru aurkeztu dituzte Balleko Etxean. Sinatu dutenek, elizaren gibeleko aldeko eremu horretan dauden haur-parkea eta berdegunea mantentzea eskatu dute. EAk, bere aldetik, aparkalekuak ez duela parkean eraginik izanen adierazi du: «Proiektuak, erabiltzen ez den belagi bat eta espaloi handi bat hartzen ditu, jolas-parkea ukitu gabe». 90.000 euroko aurrekontua du aparkaleku proiektu honek.