2006-2008 urtetako Toki Azpiegitura Plan Berezia onartu du Nafarroako Gobernuak eta honen bidez, 162 herrietako ur-hornidura, argiteri eta zolaberritze lanak, baita udaletxe eta bideetan egin beharreko moldaketak diruz lagunduko ditu. Eskualdeari dagokionez, honako inbertsioak eginen dira: Urrotzen, ur-hartzeko sarearen zati bat berritzeko 6.500 euroko inbertsioa eginen da aurten. Narbarten, ur-biltegi berria egiteko 35.000 euroko inbertsioa eginen da 2008an.
Aranon, ur-hartze berria egin eta Suro auzoa hornitzeko 20.000 euroko inbertsioa eginen da 2008an. Urdazubin, herri eta auzoetako ur-hornidura sarearen zati bat moldatzeko 23.880 euroko inbertsioa eginen da 2008an eta Baztanen, Arizkun eta Erratzuko hornidurari soluzioa emateko 36.000 euroko inbertsioa eginen da 2008an. Donezteben, ur-hornidura sare nagusia berritzeko 119.487 euroko inbertsioa eginen da aurten.
Lesakan hainbat lan aurreikusi dira: Frain auzoan ura banatzeko lanetarako 235.430 euroko inbertsioa eginen da aurten; Nabaz auzoko saneamendu lanetarako 207.769 euroko inbertsioa eginen da 2008an; Aceralia aitzinean Onin errekaren eskuinaldeko saneamendurako 160.327 euroko inbertsioa eginen da 2007an eta ezkerraldeko saneamendurako 141.109 eurokoa urte berean; Otsango auzoko hego mendi-mazelaren saneamendu lanetarako 142.677 euroko inbertsioa eginen da 2008an eta Antoiu karrikan, Onin errekaren eskuin aldeko saneamendu lanetarako 70.809 euroko inbertsioa eginen da 2007an.
Toki-Azpiegitura planaren zabalpenean ere inguru honetako zenbait lan sartu dira. Baztanen batez ere, tokiko ur-hornidura eta saneamendu sareetan hainbat lan eginen dira: Erratzuko tubo nagusia berritzeko 81.584 euroko inbertsioa eginen da 2007an; Elbeten, Elbete karrikako eta Autxitxia aldeko ur zikinen sarea berritzeko 68.228 euroko inbertsioa eginen da 2007an; Anizen, ur zikinen biltegia berritzeko 64.408 euroko inbertsioa eginen da aurten; Erratzun, herriko ur-banaketa sarearen bigarren faseari ekiteko 55.100 euroko inbertsioa eginen da 2007an eta Elizondon, Giltxaurdi karrikako saneamendu sarea berritzeko 53.617 euroko inbertsioa eginen da 2007an. Goizuetan, azkenik, ur-hornidura eta euritako urak biltzeko lan osagarrieak egiteko, 75.962 euroko inbertsioa eginen da aurten. Lesakako herriguneko argiteria berritzeko bigarren fasea egiteko ere 238.008 euroko inbertsioa eginen da aurten.