LGTBIQ+fobiaren Aurkako Nazioarteko Egunaren harira, Baztango Udalak eta Zinegoak jaialdiak film laburren proiekzioa antolatu dute heldu den ortzegunean, Arizkungo Medikuaren Etxean 18:30ean. Azaldu dutenez, «inklusioa, aniztasuna eta arte zinematografikoa aldarrikatzea» du helburu eta «komunitatearen esentzia atzematen duten lanen aukeraketa» egin dute proiekziorako.
Eskubaloian aritu nahi duten gazteek heldu den astean izanen dute probatzeko aukera Elizondoko kiroldegian, BKTk ate irekien jardunaldiak antolatu baititu maiatzaren 13an, 15ean, 16an eta 17an.