Didau antzerki faktoriaren 'Beldartxo jatuna'

2017/04/26 17:00

Baztango Herri Liburutegia Baztan Elizondo |Antzerkiak

Didau antzerki faktoriaren ‘Beldartxo jatuna’ ikusgai izanen da  asteazkenean 17:00etatik aitzinera

Liburuaren Eguneko ospakizunen baitan, Didau antzerki faktoriak Beldartxo Jatuna haurrendako antzerkia eskainiko du hilaren 26an, asteazkenean 17:00etan Baztango Herri Liburutegian, Elizondon. Udaleko Kultura Batzordeak antolatu du, hiru eta zortzi urte arteko haurrei zuzendutako ikuskizuna, Nafarroako Gobernuaren 2017 Arte eta Kulturaren laguntzarekin.

Bazken aldizkatzeari buruzko ikastaroa

2017/04/29 10:00

Anizko Jauregia Baztan Aniz |Ikastaroak

Hazitik Hozie elkarteak antolatu du Baztango agroekologia eskola herritarraren barnean eta Anizko Aitor eta Mikel Azkarate anaiek eskainiko dute Jauregian

Baztango agroekologia eskola herritarraren barnean Hazitik Hozie elkarteak bazken aldizkatzeari buruzko ikastaroa antolatu du. Aldizkatze teknikak lurrari lotutako abeltzaintzarako beharrezkoak dira, tokiko baliabideetarat egokitutako manejuak direlako. Anizko Aitor eta Mikel Azkarate nekazaritza ekologikoaren bidetik bazken aldizkatze teknikekin ari dira eta ikastaro honetan, beraiek ikasitakoa interesa duten guztiekin elkarbanatuko dute. 

0-3 urteko haurren Guraso Eskola

2017/03/20

|Ikastaroak

Lau saio eginen dituzte martxotik ekainera, Pilar Seminario adituaren eskutik 

Baztango Udaleko Gizarte Zerbitzuek antolatuta, 0-3 urte bitarteko haurren Guraso Eskola eginen dute. Lau saio eginen dituzte martxotik ekainera, hilabeteko bat, eta izen emateko epea martxoaren 15ean akituko da, Baztango Udaleko 948 580006 telefonora deituz. 

Elizondoko Santiago bestetako kartel lehiaketa

2017/04/21

Elizondoko Herriko Etxea Baztan Elizondo |Lehiaketak

Lanak ekainaren 2a baino lehen aurkeztu beharko dira Herriko Etxeko buzoian

Elizondoko Herriak bestetako kartel lehiaketa antolatu du aurten ere. Lehiaketa irekia izanen da eta nahi adina lan aurkezten ahal izanen dira. Ondoko testua agertu beharko da: Santioak 2017 Elizondoko bestak, Uztailaren 24tik 28ra. Ekainaren 2a baino lehen aurkeztu beharko dira.

Berroeta-Abartan-Saioa mendi lasterketa izen ematea

2017/04/21

Baztan Berroeta |Lehiaketak

Parte hartzeko izen ematea apirilaren 20tik ekainaren 5era ireki da

Berroeta-Abartan-Saioa mendi lasterketa antolatu du lehen aldiz Berroetako herriak, Baztango Udalaren eta Basaburua Kirol Taldearen laguntzaz ekainaren 18an. Izen emateko epea apirilaren 20tik ekainaren 5era ireki da.

Estresa eta antsietatea gainditzeko tailerra eskainiko dute Elizondon

2017/04/27

Baztan |Ikastaroak

Apirilaren 27an eta maiatzaren 4 eta 11n Osasun Etxean

Estresa eta antsietatea gainditzeko tailerra antolatu dute Elizondoko Osasun Etxeak. Apirilaren 27 eta maiatzaren 4 eta 11n eskainiko dute Osasun Etxeko erabilera anitzeko gelan, 16:00etatik 18:30 arte.

Rugbyaren gaupasa Larraintzarren

2017/05/06

Larraintzar Baztan |Ospakizunak

Zikiro afarirako txartelak salgai daude Baztan, Ultzama eta Donezteben

Menditarrak BRT errugbi taldearen rugbyaren gaupasa hamalaugarren urtez eginen da aurten, maiatzaren 6an Larraintzarren (Ultzama). Inguruan errugbiaren kirol eskaintza mantentzeko behar beharrezko oinarri ekonomikoa da ospakizuna, antolakuntzan zailtasunak eta eskakizunak areagotuz bait doaz urtez urte. Afarirako txartelak salgai daude maiatzaren 3a arte Baztango Kasinon, Ultzamako Larraintzarko Ostatuan, Doneztebeko Titin eta Iturengo Herriko Ostatuan.