18:30

'Literatura euskaraz gaur egun' hitzaldia

Beñat Sarasola EHUko irakasle, idazte eta literatur kritikaria izanen da hizlari ortziralean 18:30ean liburutegian

19:00

'Elikadura sistema osasunaren begiradatik' solasaldia

Hamar urte beteko ditu aurten Bidazi Bidasoaldeko Kontsumo Elkarteak, eta urteurrena ospatzeko hainbat ekintza eginen dituzte urte osoan. Horietan lehenengo ekitaldia ortzirale honetan izanen da, hilaren 26an.

19:00

'Hamelin y Aladdin, dos cuentos de trampolin' antzezlana

Berako Uxane zentrokoek antzerkia taularatuko dute ortziralean Beran. 'Hamelin y Aladdin, dos cuentos de trampolin' antzezlana eginen dute 19:00etan herriko Kultur Etxean. Sarrera debalde izanen da.

08:30

Larhunera ateraldia eginen dute Berako Agerra Mendi Taldeak antolatuta

100 urte beteko dira maiatzean Euskal Herriko Mendizale Federazioa sortu zela.  Mendeurrena ospatzeko hainbat ekitaldi eginen dituzte, tartean apirilaren 27an eta 28an '100 urte, 100 mendi' izeneko ekitaldia antolatu dute  Euskal Herriko 100 gailur igoko dituzte. Beratarrak Larhungo tontorrera joanen dira.

09:00

Udaberri festa

Festa batzordeak egun osoko festa antolatu du apirileko azken larunbaterako. Txistu eta danbolin doinuekin esnatuko dute herria, 09:00etan eginen duten dianarekin. 11:00etan Leitzaldean Pediatra orain eskatzeko argazki erraldoia aterako dute eta ondoren Leitzako erraldoi eta buruhaundien konpartsa aterako da dultzaineroekin. Bazkalaurrea girotzeko, 13:00etan kalejira eginen dute trikitilariekin eta 14:30ean herri bazkaria izanen dute. Iluntzean, segida izanen du festak; Zutik elektrotxarangako kideak kalejiran ibiliko dira 19:00etatik aurrera. Hortik aurrera, bakoitzaren esku egonen da festa noiz arte luzatu erabakitzea.

10:00

'Doluei aurre egiten' solasaldia

Dolua lantzeko aukera izanen da Donezteben larunbatean. Agur kontzienteei buruz ariko dira, dolua manera batean baino gehiagotan bizitzea tokatzen delako: gaixotasunagatik, jubilazioagatik, zahartzeagatik, heriotzagatik... 'Doluei aurre egiten' izena paratuko diote solasaldiari eta  Neli Yanci izanen da hizlaria. Herrigunean izanen da 10:00etan eta sarrera debalde izanen da.

16:30

Lesakako Haurraren Eguna

Larunbat arratsaldean jokoak eta merienda izanen dituzte Eltzetako plazan Lesakako Haurraren Eguna antolatu dute Irain eskolako eta Tantirumairu ikastolako guraso elkarteek, Lesakako udalaren laguntzarekin, apirilaren 27an. Larunbatean 16:30etik 19:30era jokoak eta merienda izanen dituzte Eltzetako plazan (euria eginen balu frontoian).

19:00

Dinamo Danzaren 'Luz Negra' Lesakan

DNA zikloaren barrenean, Luz Negra ikuskizuna eskainiko du Dinamo Danza konpainiak apirilaren 27an, larunbatean, 19:00etan, Lesakako Harriondoa kultur etxean. Sarrerak 6 eurotan salgai daude Lesakako udalaren webgunean, kultura bulegoan eta egun berean sarreran. Vianako Printzea Erakundea-Kultura Zuzendaritza Nagusiak antolatutako programa artistiko bat da DNA, Baluarte Fundazioarekin lankidetzan, eta dantza garaikidea eta mugimenduaren arteak sustatzea du helburu.

08:30

Urepelera irteera

Leitzako Mendibil Mendi Taldeak Urepeleko kaxkora igotzeko proposamena egin du apirilaren 28rako. Ixkibarko aparkalekutik abiatuko dira 08:30ean eta 11:00etan argazkia aterako dute Urepeleko kaxkoan. Horrela, Euskal Mendizale Federazioaren 100. urteurrena ospatuko dute.

10:00

Gurekin Lesakako Zerbitzuen Elkarteko Eguna

Komertzioen eta artisauen postuak izanen dira Beheko Plazan, txistulariak ibiliko dira goizean eta magia ikuskizuna arratsaldean

18:30

Organo eta tronpeta kontzertua

Oscar Candendo organistak eta herriko Mikel Galardi tronpetistak joko dute elizan, 18:30ean hasita

10:15

Benjaminen arteko futbol txapelketa

Berako Matzada futbol zelaia benjamin mailako futbolarien bilgune bihurtuko da maiatzaren 1ean, asteazkena. Herriko Gure Txokoa elkarteak torneoa antolatu du eta Gure Txokoako bi talde, Beti Gazteko talde bat, Baztango bi talde, eta Realeko, Arnedoko, Alfaroko eta Calahorrako talde bana ariko dira.

18:30

Bor-Bor Bortzirietako Euskaltzaleen Mugimenduko urteko batzarra

Bortzirietako Euskaltzaleen Mugimenduak urteko batzarra eginen du maiatzaren 3an, ortziralea, Eskol Ttikin 18:30ean. 90 minutu inguruko saioa izanen da, eta urteko ekintzen errepaso eta balorazioaz gain, diru kontuak eta 2024rako aurreikusitako ekintzak izanen dituzte solasgai. Gero bertaratutakoek ekarpen edo galderak egiteko aukera izanen dute, eta bukatzeko mokadu ttiki bat eskainiko dute.

18:30

Palestinako gatazkaren inguruko gakoei buruz hitzaldia Lesakan

Hitzaldia maiatzaren 10ean Lesakako Herriko Etxeko batzar aretoan eginen dute eta Lidon Soriano Segarra ekintzailea izanen da hizlaria, brigaden koordinatzailea eta larrialdietako erizaina Palestinan 20 urtez.

09:29

20:00

Ezagutu Dezagun Lesaka lehiaketa

Lehen Hezkuntzako ikasleek herriari buruzko galderei erantzun behar diote eta apirilaren 26a baino lehen aurkeztu

16:00

13:00

Nieva ceniza

Apirilaren 20tik maiatzaren 5era arte, Ivan Benitezek osatutako Nieva ceniza erakusketa ikusteko aukera izanen da Iturengo Herriko Etxeko ganbaran. Benitezek hitzak eta argazkiak erabiliz, ahanzturaren kontrako kronikak osatu nahi izan ditu. 1998 eta 2022 artean Sudan, Nikaragua, Israel, Etiopia, Mali, Kamerun, India, Guatemala, Kolonbia, Honduras eta Mexikon aritu zen lanean eta hango herritarren egunerokoa bertatik bertara ezagutzeko aukera izan zuen. Errealitate gordina: gosea, emakumeek jasatzen duten tratua, haurren egoera zaila... horiek guztiak bildu ditu erakusketan.

18:00

20:00

'Nieva Ceniza' argazki erakusketa Iturenen

Ivan Benitezen 'Nieva ceniza' argazki erakusketaren inaugurazioan duela hamabortz urte erahildako herriko emakumea omendu zuten

12:54

13:00

Lesakako sanferminetako kartel eta programaren azal lehiaketak

2024ko Sanferminetako programaren azala eta bestak iragarriko dituen kartela aukeratzeko lehiaketa deitu du Lesakako udalak, herrian sortu edota bertan bizi direnentzat. Lanak udal bulegoetan aurkezteko epea maiatzaren 17ko 13:00etan bukatuko da, lehiaketa hauetan ohikoa den sistema erabiliz.

18:00

19:00

Asteburu kulturala Donamarian

Joan den igandean, haurrendako tailerrak egin zituzten Donamarian, eta asteburu honetan, ortziraletik igandera, ipuin kontalariaren saioa, antzerkia eta berriz haurrendako tailerrak izanen dituzte. Asteburu kulturala udalak antolatu du.

20:30

18:30

'Dantz'Hari' dantza ikuskizuna

'Dantz'Hari' ikusgarria emanen du Larrekon apirilaren 26an eta 27an