Beran egitekoa den Mendi Maratoi Erdia ikusteko eta kirolariak animatzeko Larhunera mendi irteera antolatu du Lesakako Beti Gazte elkarteak apirilaren 14an. Igandean 07:00etan abiatuko dira Plaza Zaharretik ibilgailuetan eta Maleteraino joanen dira. Handik oinez joanen dira mendizaleak Larhunera.
Maratoi erdiaz gain, igandean gazteentzako Gazte Trail lasterketa jokatuko dute, eta larunbatean haurrentzako Ttiki Trail. Horrez gain, '212 mountains' dokumentala ikusteko aukera izanen da larunbatean Kultur Etxean.
'Dantz'Hari' ikusgarria emanen du Larrekon apirilaren 26an eta 27an, baina igande honetan eginen ditu entsegu irekiak Senpereko Zirikolatz euskal dantza elkartea herriko biziaren zutabe nagusienetarik bat da. 45 urte betetzen dituela eta, gaur egungo eta lehenagoko dantzariak eta zonbait musikari Dantz’Hari ikusgarria prestatzen ari dira buru belarri. Covid aitzineko proiektua geldirik egon ondoan, orain bi emanaldi plazaratuko dituzte: apirilaren 26an, ostiralarekin, 20:30ean, eta apirilaren 27an, larunbatarekin, 18:30ean. Jarraian afaria. 8 eta 74 urteko ehun bat dantzarik parte hartuko dute ikuskizunean. Ikuskizunaren entseguak igande honetan, apirilak 14, 09:30ean eta 12:30ean eginen dituzte Larrekon.
Mirari Martiarena eta Idoia Torregarai umoregileak izanen dira igandean Zugarramurdin, 'Luze edo Motz' binakako bakarrizketa aurkezten. Emanaldia museoan izanen da, 18:00etan.
Akira Yoshida eta Lali Ayguadé artistak igoko dira Leitzako Herri Aretoko oholtzara 19:00etan. Together to get there izenburupean, dantza garaikideko emanaldia izanen da eskainiko dutena. Sarrerak aldez aurretik eros daitezke zazpi eurotan edo emanaldia hasi baino ordu erdi lehenago leihatilan zortzi eurotan.
Lehen Hezkuntzako ikasleek herriari buruzko galderei erantzun behar diote eta apirilaren 26a baino lehen aurkeztu
Haur eta gaztetxoen pintura lehiaketarekin eta Maider Cigarroaren kontzertuarekin abiatuko da larunbatean