Koloneko minbizia prebenitzeko kanpaina abiatu dute Baztanen

  Gizartea  Baztan

50-69 urte bitarteko herritarrei eskutitza eta testa egiteko kit-a etxerat ailegatuko zaie egunotan

Egun hauetan kolon minbizia prebenitzeko kanpaina abiatu da Baztanen. Nafarroako Gobernuaren Osasun Publikoaren institutuaren ekimenez eta Baztango Udalaren laguntzarekin ondoko egunetan 50-69 urte bitarteko herritarrei eskutitza eta testa egiteko kit-a etxerat ailegatuko zaie. Testa egitea erraza da eta norberak bere etxean egiten ahal du; ondotik Elizondoko osasun etxean utzi beharko du.

Baztango Emakumezkoen frontenis txapelketako finalak jokatu dituzte apirilaren 1ean

  Kirola  Baztan

Baztango Emakumezkoen frontenis txapelketako finalak jokatu dituzte apirilaren 1ean

Lehen mailan, Edurne Argain eta Nuria Garate suertatu dira txapeldun eta bigarren mailan, Iera Agirre eta Belen Agerrebere

Apirilaren 1ean jokatu dituzte Elizondoko Baztan udal pilotalekuan emakumezkoen zazpigarren frontenis txapelketako finalak. Lehen mailan, Iruritako Edurne Argain eta Nuria Garate suertatu dira txapeldun, finalean Enara Lasarte eta Oihana Bergarari irabazita. Bigarren mailan, Iera Agirre eta Belen Agerrebere izan dira txapeldun, finalean Belen Cebrian eta Ainara Urrizari irabazita.

Esklesori anizkoitzari buruzko argazki erakusketa irekiko dute Arizkunenean apirilaren 3tik 7ra

  Kultura  Baztan  Elizondo

Esklesori anizkoitzari buruzko argazki erakusketa irekiko dute Arizkunenean apirilaren 3tik 7ra

Apirilaren 6an solasaldia eskainiko dute Nafarroako Esklerosi Anizkoitzaren Elkarteko bi fisioterapeutek 

‘Esklerosi anizkoitza, bi begirada, errealitate bat’ argazki erakusketa ikusgai izanen da Elizondoko Arizkunenea Kultur Etxeko erakusketa gelan apirilaren 3tik 7ra, astelehenetik ortziralera 17:00etatik 20:00etara. Nafarroako Esklerosi Anizkoitzaren Elkarteak antolatu du erakusketa.

Erabilera libreko funtsen banaketari alegazioa aurkeztu dio Baztango Udalak

  Gizartea  Baztan

Baztango herria hamabortz udalek osatzen dutela eta hedaduraz Nafarroako handiena dela ahazten duela uste du 

Nafarroako Gobernuak argitaratutako erabilera libreko funtsen inguruan Baztango udalerria bertze behin bazterturik gelditu da. Eta, horregatik, alegazioa aurkeztu berri du. Laguntzen behako laster batek erakusten duen bezala eta adibidetako Baztanek inguruan dituen udalerriak kontuan harturik, udaletxe eta kontzejuka egiten den diruen banaketa honek Baztan hamabortz herriz osatua dagoela, bertze behin, ahazten du. 

Erdizeko mugei buruzko Gobernuaren ebazpena errekurrituko du Baztango Udalak

  Gizartea  Baztan

Ahobatez hartu zuten erabakia martxoaren 23ko udal batzarrean

Martxoaren 23an egin zen ohiko osoko bilkuran Baztango Udalak Nafarroako Gobernuak Erreniegako mendiaren zati bat Esteribarri emanez ateratako ebazpena errekurritzeko erabakia aho batez onartu zuen. Horrela, udal ordezkariek Nafarroako Administrazioarekiko Auzi Epaitegian errekurtsoa paratzeko erabakia hartu zuten. 

15 urte bete ditu Baztango Gorriek Osasunazaleen peñak

  Gizartea  Baztan

15 urte bete ditu Baztango Gorriek Osasunazaleen peñak

Martin Monreal entrenatzaile ohia ohorezko bazkide egin dute

Osasuna futbol taldeko zaleak biltzen dituen Baztango Gorriek peñak 15 urte bete berri ditu eta aitzaki horrekin, Martin Monreal entrenatzaile ohia ohorezko bazkide izendatu zuten eta peñaren kamixeta eman zioten opari. Martin ere ez zen esku hutsik etorri eta Osasunak Gironan lehen mailara igaitea lortu zuenean bi peñakiderekin ateratako argazkia ekarri zuen opari.

Elizondoko Bake Epaitegiko lanak

  Gizartea  Baztan  Elizondo

»» Ikusi argazki guztiak (10)

Goiz bakar batean urak ezabatutako mende eta erdiko historia berreskuratu dute Elizondoko Bake Epaitegian

  Gizartea  Baztan  Elizondo

Goiz bakar batean urak ezabatutako mende eta erdiko historia berreskuratu dute Elizondoko Bake Epaitegian

Nafarroako Gobernuaren, Baztango Udalaren, Aseguruen Konpentsazio Partzuergoaren eta espezializatutako enpresa baten arteko baterako lanari esker, orain dela hiru urteko uholdeak kaltetutako Elizondoko Bake Epaitegiko eta Erregistro Zibileko artxiboak berreskuratu dira 

Baztan ibaiaren uraldi batek, adituek 50 edo 100 urtean behin bakarrik gertatzen direla uste duten horietako batek, Elizondoko Bake Epaitegiko eta Erregistro Zibileko artxiboetan jasotako Baztan Haranaren eguneroko historia ezabatu zuen 2014ko uztailaren 4ko goizean. 

50. urteurreneko ospakizunak egun osoko bestarekin borobilduko du Elizondoko Lanbide Eskolak maiatzaren 6an

  Gizartea  Baztan  Elizondo

50. urteurreneko ospakizunak egun osoko bestarekin borobilduko du Elizondoko Lanbide Eskolak maiatzaren 6an

Kalejirak, argazki erakusketa, bazkaria, musika… izanen dituzte eta txartelak eskura daitezke dagoeneko 

Elizondoko Lanbide Eskolak urriaren 13an 50 urte bete zituen eta egun horretan ospakizun xume bat egin zen. Ikasturtean zehar ere zenbait ekitaldi egin dituzte eta oraingoan berriz, maiatzaren 6an egun osoko festa eder bat egiteko asmoetan daude ikasle, langile eta irakasle ohi eta orain ari diren guztiak.

Diana Iniestaren lanak lehen aldiz New York-en ikusgai jarri dituzte

  Kultura  Baztan  Erratzu

Diana Iniestaren lanak lehen aldiz New York-en ikusgai jarri dituzte

Erratzun bizi den margolari kataluniarraren margolanak Manhattango The Phyllis Harriman Mason Gallery-n jarri dituzte

Bere formakuntza osatzen segitzeko bortz asteko egonaldia egin zuen otsailean New Yorken Diana Iniesta margolariak. Katalunian sortu eta aspaldian Erratzun laketu den margolaria egon ez ezik ari ere aritu zen, gogoz gainera, The Art Students League pintura eskola entzutetsuan. Astean sei egunez, egunean hamar orduz, 240 orduko ikastaroa osatu zuen eta orain, martxoan zehar, ikastaroan egindako margolanak ikusgai jarri dituzte Manhattango The Phyllis Harriman Mason Gallery-n.

Emakumeendako autodefentsa tailerra antolatu dute Baztanen ere

  Gizartea  Baztan

Apirilaren 1ean eta 8an eskainiko dute Arizkunenean eta martxoaren 27ra bitarte apunta daiteke

Emakumeendako autodefentsa feminista tailerra eginen dute apirilaren 1ean eta 8an, larunbatetan 09:30etik 13:30era (guztira 8 orduko tailerra) Arizkunenea Kultur Etxean. Baztango Bilgune Feministak antolatu du tailerrak, Baztango Udalaren laguntzaz eta izen ematea martxoaren 27a baino lehen egin behar da 650 729639 telefonora watsapa edo mezua bidaliz edo ba2feminista@baztan.eus helbide elektronikora idatziz.

Hamaiketakoan eta jangelan sortutako hondakin organikoarekin konpost ondua lortu dute Baztan Ikastolan

  Gizartea  Baztan

Hamaiketakoan eta jangelan sortutako hondakin organikoarekin konpost ondua lortu dute Baztan Ikastolan

Hondakinak eta birziklapena ikasgai garrantzitsua dira ikastolan

Udalerriko bertze zenbait ikastetxetan bezala Baztan ikastolan ere hondakinen kudeaketa eta horien artean gai organiko edo biohondakinen bereizketa eta konpostajeari garrantzi haundia ematen zaio eta ikastolako egunerokoan trasbertsalki lantzen da gaia.

Alberto Barberenak irabazi du Nafarroako Duatloi txapelketa

  Kirola  Baztan

Alberto Barberenak irabazi du Nafarroako Duatloi txapelketa

Martxoaren 18an burutu zen Altsasuko VII. Duatloian, sprint modalitatean

Erreka Tri taldeko Alberto Barberena elizondarrak sprint modalitateko Nafarroako Duatloi txapelketa irabazi zuen martxoaren 18an Altsasun egindako lehiaketan. Sailkapen orokorrean bigarren izan zen Barberena, Pello Osororen gibeletik. Baina lehenbiziko nafarra izan zenez, beretzat izan zen Nafarroako txapela.

Bailarako errepideen egoerari buruzko konpromisoak eskatu dizkio Baztango Udalak Nafarroako Gobernuari

  Gizartea  Baztan

Udal Gobernu Taldeko ordezkariak Herri Lanetako zuzendari nagusiarekin bildu ziren martxoaren 22an Iruñean

Martxoaren 22an, asteazken goizean Baztango udaleko ordezkaritza Nafarroako Gobernuko herri-lanetako zuzendaritza nagusiko arduradunekin Iruñean bildu zen. Horrela, Joseba Otondo Baztango alkatea, Mikel Ortega alkateordea eta Florentino Goñi herri-lanetako zinegotzia Natxo Nagorerekin, herri-lanetako zuzendari nagusiarekin bildu ziren. Bilera udalaren eskariz egin ziren Nafarroako Gobernuarenak diren Baztango hainbat errepideren egoerari buruz solastatzeko.

 

Zerbitzu anitzeko lanetarako eta desbrozatzeko traktore gidari aritzeko lanpostu deialdia egin du Baztango Udalak

  Gizartea  Baztan

Langabetuek martxoaren 31 baino lehen eman behar dute izena

Zerbitzu anitzeko lanetarako eta desbrozatzeko traktore gidari aritzeko, langabetu gisa izena emanda dauden pertsonak aldi baterako kontratatzeko deialdia egin du Baztango Udalak. Bi kontratazio egitea aurreikusten da, sei hilabeteko iraupena izanen dutena.

Baztandarren Biltzarraren kartel lehiaketako lanak apirilaren 19rako aurkeztu behar dira

  Gizartea  Baztan

Baztandarren Biltzarraren kartel lehiaketako lanak apirilaren 19rako aurkeztu behar dira

Besta haundia uztailaren 16an ospatuko da Elizondon

Baztandarren Biltzarra. Baztanen eskuara barra-barra. Elizondon, 2017ko uztailaren 16an. Testu hori eraman beharko duen kartel lehiaketa abiatu du aurten ere Baztandarren Biltzarra Elkarteak. Apirilaren 19ra bitarte aurkeztu beharko dira lanak. Gisa hauetako lehiaketetan ohikoa den sistema erabiliz, egun horretan Baztandarren Biltzarra Elkartearen esku egon beharko dute. 

Bertako sagardoen dastaketa-lantegia egin berri dute Arizkunen

  Gizartea  Baztan  Arizkun

Bertako sagardoen dastaketa-lantegia egin berri dute Arizkunen

Ortziralean antolatu zuen Jo ala Jo taldeak Gamioxarrean Baztango agroekologia eskola herritarraren baitan, Juan Zubiarran enologoaren azalpenekin

Sagardoaren kultura berreskuratzeko eginahalari segida emanez, Jo ala Jok, bertako sagardoen dastaketa lantegia antolatu zuen ortziralean, Arizkungo Gamioxarrea dolarean. Lantegian Juan Zubiarran enologoaren azalpen teknikoak eta bertako sagardogileen sagardoak eta sagardoa egiteko moduak uztartu zituzten. Modu horretan Berroeta, Zozaia, Arizkun, Etxalarko… sagardoen gainean, Zubiarranek sagardoaren zapore, kolore, usaimenari… buruzko argibideak eta zergatiak eman zituen. Horrela, sagar-barietateek, irakinaldiak, kupelak, tenperaturak, zanpatzeko erabilitako tresnak… sagardoan zer eragin duten esplikatu zuen.

 

Nabarmenak

Zorion agurrak