Horretaz gain, aipatutako presen eraistearen jarraipen geomorfologikoa egiteko asistentzia teknikoa Euskal Herriko Unibertsitatea egiten ari da 54.500 euroren truke.
Europako Batzordeak diruz laguntzen duen Life 2014-2020 Planaren baitan, Life Irekibai programaren barnean dago presa hauek botatzea, oztopoak kentzerakoan erreketan bizi diren espezieen harat-honatak errazteko helburuarekin. Orain, Iturengo piszifaktoriko presa botatzea geldituko litzateke.
Berako Udalak gai hau landu zuen uztaileko batzarrean. Bera eta Baztango Ehiza eta Arrantza elkarteek Endarlatsako presa bota ordez, San Martingoa bota ondotik Endarlatsakoaren ateak zabaltzea proposatu zuten, bi urtez zer eragina duen ikusteko. Puntu hori ez zuen onartu Udalak eta Endarlatsakoa ere botatzearen alde agertu zen.