Excavaciones Corella enpresak du lanen ardura
Europako Batzordeak diruz laguntzen duen Life 2014-2020 Planaren baitan, Life Irekibai programaren barnean daude Endarlatsa eta San Martin presak botatzeko lanak. Erreketan dauden oztopoak kendu eta hala, bertan bizi diren espezieen harat-honatak erraztu nahi dituzte. Abuztuaren 29an hasi zituen Excavaciones Corella enpresak presa eraisteko lanak eta nostalgia puntu batekin, herritar aunitz joan zen presara aurreko asteburuan.
Lanek denera 166.771, 65 euroko kostua izanen dute (San Martin presak 94.775,78 euro eta Endarlatsakoak 71.995,87 euro). Horretaz gain, aipatutako presen eraistearen jarraipen geomorfologikoa egiteko asistentzia teknikoa Euskal Herriko Unibertsitateari eman dio GANek, 54.500 euroren truke.