Lurpea taldearen ekimenez, Kobazuloen VIII. Eguneko ospakizunek bisita berezi, erakustaldi eta deskontuak izanen dituzte igandean Arrikrutz-Oñatiko kobak, Ekainberrik, Isturitz-Oxozelhaya kobak, Mendukiloko kobak, Pozalaguako kobak, Sarako Leizeak, Sorginen Kobak (Zugarramurdi) eta Urdazubiko leizeak osatzen dute 2008an sortutako Lurpea elkartea. Helburu argia dute denek, lurpeko bisitariari “seigarren kontinentea” deskubritzeko aukera ematea, hurbil izan arren hain ezezagun zaizkigun baliabide hauek ezagutzeko aukera eskainiz.
Igande goizeko 11:45ean elizan Tafallako Tubala Uxoa abesbatzak ahots kontzertua eskainiko du martxoaren 19an, igandean 11:45ean Lekarozko elizan, Laura Calvo Zalakainen gidaritzapean. Nafarroako Abesbatzen Elkarteak antolatu du emanaldia, Lekarozko parrokiaren eta Legate elkartearen laguntzarekin.
Pello eta Jon Telletxea, Jesus eta Miguel Angel Etxeberria anaien kontra ariko dira igande eguerdian, 2.000 euro jokatuz Beintza-Labaiengo lau aizkolarik indarrak neurtuko dituzte martxoaren 19an, eguerdiko 12etan Doneztebeko Ezkurra pilotalekuan eginen duten apustuan. Pello Telletxea eta Jon Telletxea alde batetik eta Jesus Etxeberria eta Miguel Angel Etxeberria anaiak, bertzetik, ariko dira. Bikote bakoitzak hamar kanaerdi eta lau oinbiko enbor moztu beharko ditu eta 2.000 euro jarriko ditu jokoan.
Igandean 19:30ean Bihotzkada kolektiboaren Taupadak lokalean, Down Sindromearen Nazioarteko Egunaren harira Martxoaren 21ean Down Sindromearen Nazioarteko Eguna ospatuko da. Ospakizun hori gogoratuz, Motxila 21 taldearen ‘Live, zuzenean, en vivo’ ikusentzunekoa eskainiko dute Lesakako Bihotzkada Kolektiboaren Taupadak aretoan martxoaren 19an, igandean 19:30ean.
Gizarte Zerbitzuen Mankomunitateak eta Berako Goldatz emakume feminista taldeak antolatuta Martxoren 8ko Emakume Langilearen Nazioarteko Egunaren harira hainbat ekitaldi antolatu dituzte Bortzirietako Gizarte Zerbitzuen Mankomunitateak eta Berako Goldatz Emakume Feminista Taldeak.
Martxoaren 7, 14 eta 21ean eginen dira saioak Elizondoko Arizkunenean Zurrumurruei aurre egiteko formazio tailerra antolatu du Bidelagun elkarteak, Baztango Udalaren, Caja Navarra Fundazioaren eta SOS Arrazakeria erakundearen laguntzarekin. Gizarte Langileei, Osasun Etxeko Langileei, Administrazioan lan egiten duten langileei, Udalako langileei, eskoletako hezitzaileei eta interesaturik dagoen edozeineri zabalik dago.
Lanak apirilaren 7ra bitarte aurkez daitezke eta herri bozketaren bidez aukeratuko dira irabazleak Lesakako Udalak, 2017ko Sanferminetako programaren azala eta bestak iragarriko dituen kartela aukeratzeko lehiaketa deitu du, Lesakan jaio edota bertan bizi direnentzat. Lanak udal bulegoetan aurkezteko epea apirilaren 7ko 13:00etan akautuko da, lehiaketa hauetan ohikoa den sistema erabiliz.
Martxoaren 14, 16, 20 eta 23an eskainiko den ikastaroa doan da, baina aitzinetik izena eman behar da Gaixotasun baskular batekin bizitzea izeneko tailerra landuko dute Doneztebeko Osasun Zentroan martxoaren 14, 16, 20 eta 23an, arratsaldeko 5etatik 7etan eginen dituzten saioetan, 17:00etatik 19:00etara. Ikastaroa doan da, baina horretarako aitzinetik izen eman behar da 848 421954 telefonoan (Nafarroako Osasun Publikoaren eta Lan Osasunaren Institutuko Osasunaren Sustapenereko atala) edo www.escueladepacientes.navarra.es webgunean.
LeitzEKO Kontsumo taldearen eta Udalaren eskutik, martxoaren 16, 23 eta 29an LeitzEKO Kontsumo taldeak eta Udalak elkarlanean antolatu dituzte III. Energia jardunaldiak. Martxoaren 16, 23 eta 29an izanen diren saioak, guztiak 19:00etan.
Frain kaxko inguruan azpiegitura lanak eginen dituzte larunbat honetan eta zuhaitzak landatu hurrengoan Arbolaren Eguna antolatu dute martxoaren 18 eta 25ean Lesakako Frain kasko inguruan. Lehenbiziko larunbatean, eremua garbitu, piketeak sartu, zerrakura egin eta gisako lanetan ariko dira. Martxoaren 25ean, berriz, zuhaitzak landatuko dituzte. Helduak 08:00etan abiatuko dira eta haurrak 09:00etan. Lesakako Udalak, Beti Gaztek, Irain eskolak eta Tantirumairu ikastolak antolatu dute ekitaldia, ArcelorMittal lantegiaren laguntzarekin.