Berako Kultur Etxean jokatu zen 43. Nafarroako Bertsolari Txapelketaren lehen finalaurrekoa, aretoa bete zuten 200 bertsozale baino gehiagoren aurrean. Han aritu dira kantuan Alazne Untxalo, Iñigo Olaetxea, Ander Fuentes 'Itturri', Julio Soto, Kotte Plaza eta Eneko Lazkoz . Alaitz Rekondo aritu da gai-jartzaile lanetan.
Saio puntugarriaren ostean, Julio Sotok eskuratu zuen puntu gehien, 422,5, eta horrenbestez, apirilaren 8an Iruñean jokatuko den finalerako sailkapen zuzena eskuratu zuen. Haren atzetik sailkatu ziren Eneko Lazkoz, Ander Fuentes 'Itturri', Kotte Plaza, Iñigo Olaetxea eta Alazne Untxalo. Bortz bertsolari hauek finalaurreko faseko azken puntuazioen zain egon beharko dute hurrengo fasera sailkatzen diren jakiteko. Osotara, zortzi bertsolari pasako dira finalera, oraingo 18tatik.
Honela geratu zen saioko puntuazioa:
Julio Soto, 422,5 puntu
Eneko Lazkoz, 401,5 puntu
Ander Fuentes 'Itturri', 383,5 puntu
Kotte Plaza, 377,5 puntu
Iñigo Olaetxea, 367 puntu
Alazne Untxalo, 358 puntu
Xabi Maia Antsoainen nagusi
Antsoaingo Antzokian jokatu da 43. Nafarroako Bertsolari Txapelketaren bigarren finalaurrekoa. 200 bertsozale inguru izan ziren aretoan, saioa bertatik bertara jarraitzeko. Han aritu ziren kantuan Josu Sanjurjo, Mikel Lasarte, Xabier Terreros, Saioa Alkaiza, Xabier Maia eta Iker Gorosterrazu. Maider Ansak egin zituen gai-jartzaile lanak.
Saio puntugarriaren ondotik, Xabier Maiak eskuratu zuen puntu gehien, 392, eta horrenbertzez, apirilaren 8an Iruñean jokatuko den finalerako sailkapen zuzena eskuratu zuen. Haren atzetik sailkatu ziren Xabier Terreros, Saioa Alkaiza, Iker Gorosterrazu, Josu Sanjurjo eta Mikel Lasarte. Bost bertsolari hauek finalaurreko faseko azken puntuazioen zain egon beharko dute hurrengo fasera sailkatzen diren jakiteko. Osotara, zortzi bertsolari pasako dira finalera, oraingo 18tatik.
Honela geratu da saioko puntuazioa:
Xabier Maia, 392 puntu
Xabier Terreros, 381,5 puntu
Saioa Alkaiza, 373 puntu
Iker Gorosterrazu, 370 puntu
Josu Sanjurjo, 364,5 puntu
Mikel Lasarte, 337,5 puntu
Azken final aurrekoa Agoitzen
Datorren igandean izanen du segida Nafarroako Bertsolari Txapelketak, Agoitzeko Kultur Etxean, 17:30ean. Han ariko dira kantuan Aimar Karrika, Julen Zelaieta, Joanes
Illarregi, Eneko Fernandez, Patxi Castillo eta Oier Lakuntza. Saio hori bukatutakoan jakinaraziko da Anaitasunako finalean parte hartuko duen zortzikotea.
www.bertsosarrerak.eus atarian eskuratu daitezke Agoitzeko saiorako sarrerak
